صك الجـــنـــة

أفرح ياموالي بصك الجنة .. وبشر بيه حسين يسجل بيده
حيدر يمضي عليه
ابيدك مختوم موكامل و بطه خليه حسين يسجل بيده
صكك يشيعي محضريه حيدر وولاده موقعينه
الفايز تتلاقه الحوراء وتهنيه حسين يسجل بيده
ياراد النجاة والفوز بالدارين قدامك درب فيه تختاره مو دربين
امشي بنهج طه وعترته الطيبين وأخذ بيدك ضمان الجنه من حسين
التايه هم مدلينه وليذكرهم ماناسينه
وليبغضهم يخسر كلشي ويندم تالي حسين يسجل بيده
حيدر يمضي عليه
---
لاتمشي بدرب هالدنيا درب أظلم احذر من تغرك تخسر وتندم
من أهل العلم ياسمعت نعلم عوف المال حصل اجرك الأعظم
أبحيدر الله موصينه والقرآن يذكر بينا
ماوالاهم بالمحشر مايلقى ليحميه حسين يسجل بيده
حيدر يمضي عليه
-----
حب حيدر علي بن ابي طالب مثل فرض الصلاة مومستحب واجب
حب حسين موجب ماعليه سالب وعمر العين ماتعلى على الحاجب
حيدر وحسين موالينه مختوم الصك ومحضرينه
ونبيع كنوز الدنيا وبس هاحب نشريه حسين يسجل بيده
حيدر يمضي عليه
---
شقد رادك نهاية الدنيا نتركها هالعترة الشريفه الله باركها
بس جم دنيا رفض الشيعة يهلكها ولايتهم ورثنا وثروه نملكها
من جيل لجيل تحدينا أباً عن جد ماملينا
ودفتر بس أسم المخلص يسجل بيه حسين يسجل بيده
حيدر يمضي عليه
---
اثنعش امام عندنا ونبقى نخدمهم مثل موسى الكليم الباري كلمهم
والحسنين عندنا والبتول امهم أرواح ومناحر ترخص لدمهم
جم طاغي وطاغي يعادينا واحرار احنا ومادلينا
نذبح كلنا وحبهم غال ومانبقي حسين يسجل بيده
حيدر يمضي عليه