في يوم العاشر من المحرم ذهبت السيده زينب عليها السلام الى اخيها العباس تريد ان تتكلم مع
بداية الحوار
زينب قصدت للعباس والهم قصد وياها
لمن شافها العباس تتعثر بممشاها
طلع من خيمته مسرع ولزينب تلقاها
هلا يازينب يقلها هلا برويحتي كلها
وزينب لعند كافلها صدت والقلب ذاوي
وختنقت بعبرتها((شتقول للعباس))
تقوله اقعد اسولف لك يبوفاضل ابويه ليش راد امك
وعن طيبة نسب حره ابويه من نشد عمك
انت غايته منها ولهنايبه ضمك ((صار يومك يبو فاضل يخويه))
ابويه المثل هذا اليوم رادك ذخر ياجيدوم
وهذي كربلا وبونا وصيته هاي ساعتها
((اشسوى العباس)) يسمع زينب العباس وعينه من الزعل حمره
يقلها بذمتي خددرج يازينب ودق صـــــدره
يمخدرت حامي الجار وحق ضلع امج الزهرا
لفني جموعها دونج اخوج وقرة عيونج
لالا لاينخطف لونج يزينب هلعساكر هاي باجر كون اشتتها
ـــــــــــــــــــــــــ ــــــــــــــــ
زينب تقوله اليوم يوم يبوفاضل احنه بغربه يخويه
اغتاض وقال يازينب شنهي الخيل وتهمج اخوج وصارمي بيدي
اشحده اليوصلخ يمج وجبده وكسر ضلع امج
لخلي جموعها طشار وخلي النايحه بكل دار
وخلي كربلا تذكار وخلي الناس جيلن جيل ماينسون فعلتها